HOBBYHUSET

teppet til dokka..

2010-06-02T18:25:00.006+01:00

..er ferdig og teke i bruk :) Eg har strikka det etter mønster på babyteppet frå nøstebarn, men mykje mindre slik at det passar til dokka, og er mykje lettare for dei små barnehendene å få med seg.

eg strikka ein liten bølgekant rundt teppet og pynta til slutt med eit lita blondesløyfe som eg sydde små rosettar på. Ganske så yndig og søtt, akkurat slik veslesnuppa likar det :)

Garnet eg har brukt er mini duett frå sandnes garn, som er ei blanding av bomull og merinoull. mjukt og godt for små barnehender som skal leike og dulle med dokkene sine.

Dokka ser ut som ho er nøgd med teppet ho og!

Snuppa i full fres over bakkane med vogna...og pusen sit i bakgrunnen og berre ventar på eit augeblikk der ho kan lure seg oppi vogna og nyyte det mjuke teppet :D

dress og hue til babydokka

2010-05-26T20:19:00.002+01:00

For 2-åringen i heimen er det er veldig stas å leike med dokker for tida :)
Eg kjøpte boka "babystrikk til dukken" av Målfrid Gausel for ei stund tilbake, og det er der eg har funne mønsteret til dressen og hua som dokka har på seg.

Oooosa er, ikkje overraskande, ein av fargane som vesla føretrekkjer på det meste og dermed fekk dokka ny rosa dress og hue.

glattstrikk, perlestrikk og søte små påsydde roser er ein fin kombinasjon, syns eg :)
Rosene var ikkje med på mønsteret, men eg likar å gjere litt ekstra ut av pyntinga..

Det er utruleg mange flotte mønster i boka eg nevnde ovanfor..Noko har eg strikka tidlegare og meir vert det heilt sikkert ;)

No er det eit herleg mjukt teppe til dokka som er på pinnane!

fin onsdagskveld til deg som kikkar innom!!

eit hespe merinoull frå nøstebarn..

2010-05-11T20:21:00.002+01:00

..i ein alldeles nydeleg lillafarge har lenge lege i strikkekorga mi i. Garnet er så herleg at eg har liksom hatt lyst å spara det til noko heilt spesielt. Hadde planar om ein vest til meg sjølv, men det vart ikkje noko av..
Fann ut at eit godt og lunt sjal måtte vera supert å laga av garnet, og i løpet av eit par kveldar vart sjalet på bildet til :)

Sjalet er trekanta, i rillestrikk med ein liten picotkant. I enden av sjalet har eg sydd på ein liten heklapynt.
Her på vestlandet er det så kaldt om dagane at sjalet er teke i bruk med det samme.
Fargen på det nederste bildet er den som er mest rett..

Fin tirsdagskveld til deg!

sukkersøt vest

2010-05-05T20:36:00.002+01:00

Strikkepinnane surrar og går støtt her, og den siste veka er det denne vesten som har blitt til. Ingen mønster denne gongen heller. Veldig grett, for då er det ingen som har lik ;) og så er det spennande å teikna plagget for så å sjå om ein klarer å få det til slik ein ser det for seg på førehand. Denne er strikka i str M og skal vera til meg sjølv og Maren.
kanskje litt vel sukkersøt i fargane, men det likar me!

Små detaljar frå vesten. Picotkant, påsydd lomme, striper og påsydd hjerte..

Denne passar nok like fint til skjørt som til ei vanleg dongeribukse..

Ynskjer deg som kikkar innom ein superfin vårdag!!

Grove pannekaker

2010-04-29T17:01:00.003+01:00

Pannekaker er ein sikker vinnar på middagsbordet i heimen. Eg lagar røra av mest grovt mjøl, havregryn og skumma melk, og dermed er det eit sunnare alternativ enn dei "vanlege" pannekakene som er laga av kveitemjøl.

I tillegg brukar eg "go og mager bacon" frå Gilde som inneheld minimalt med fett. Baconet steiker eg i rapsolje.

Oppskrifta på grove pannekaker får du her:

1 dl kveitemjøl
1,5 dl grovbakst
1 dl havregryn (lettkokte)
5 dl lettmelk
4 egg
1/2 ts salt
2 ss smelta smør

Bland saman og la røra svelle i 15 minutt.

Grove pannekaker, med bacon, blåbærsyltetøy og potet :)

galleritøfler..

2010-04-27T18:45:00.002+01:00

Ein heil drøss med lommetøfler i ulike fargar og storleikar er strikka dei siste vekene, og skal straks avgårde til Stavanger der dei kan kjøpast i galleriet til søster mi

skal det vera ein kvit tøffel med blå og rosa blom?

..eller kanskje ein raud med svart og raud blom?

Eg har og prøvd meg på å minske ned mønsteret, så denne søte rosa tøffelen passar til ei nyfødd prinsesse..

fin tirsdagskveld til deg som kikkar innom :)

eit sunnare alternativ...

2010-04-25T18:33:00.005+01:00

Hamburger er eit populært middagsvalg, spesielt til fredagskos, både hos store og små her i heimen. Når ein lagar både karbonadekakene og karbonadebrøda sjølv blir det eit mykje sunnare alternativ enn "kjøpehamburgeren".
Eg deler gjerne mi oppskrift med deg:

Karbonadekaker
2 pk karbonadedeig (ca 800 gram)
2 egg
2 ts salt
1/2 finhakka løk
1 fedd kvitløk
4 ss potetmjøl
ca 2 dl vatn
pepper
aromatkrydder

bland karbonadedeig, egg,salt, løk,kvitløk,potetmjøl og spe med vatn til deigen er passe smidig. Lag passe store boller av deigen og trykk dei flate ved å hakke kniven forsiktig fram og tilbake (sjå bildet over). strø så over ønska mengde pepper og aromat på kakene og steik på sterk varme.

Karbonadebrød

Her har eg gjort det enkelt.Eg kjøpte ein pakke med ferdig mjølblanding (firkornsbrød) som eg laga brøda av. Grove, mettande og knallgode!

Ferdig hamburger med salat, tomat og agurk..MMmmmm knallgodt :)

Sommarkjole

2010-04-23T18:29:00.002+01:00

Ein skjønn liten sommarkjole i mandarin petit har vore på pinnane den siste tida.
Ein nær slektning m. fam. skal i desse dagar adoptere ei herleg lita jente på eitt par år, og kjolen er ei velkomstgåve frå oss.
Eg har ikkje mønster på kjolen. Den har blitt til undervegs når eg strikka.

Strukturen i skjørtet er 9 rette masker og 1 vrang maske.
Eit hekla hjerte er sydd på nede på skjørtet og til slutt hekla eg ein picotkant rundt kanten.

Eit hjerte er sydd på på brystet, og ei tvinna snor går gjennom holrada mellom skjørtet og livet på kjolen.
Det er dei små detaljane som gjer kjolen spesiell og søt, syns eg :)

Nå håpar vi på varme herlege sommardagar slik at kjolen kan bli mykje brukt!

Ynskjer deg som kikkar innom her
ei strålande flott helg!!!!!

home sweet home

2010-04-21T18:41:00.003+01:00

Dette skjønne hjertet fekk eg i gåve frå mi kjære søster for ei stund tilbake. Eg har hengt det opp i vindfanget..

..der det heng saman med dei 3 små sinkhjertene mine :)

Viss eg ikkje hugsar heilt feil er alle hjerta kjøpt hjå sæbøvik gaver og leker som er ein super butikk!

Ynskjer deg ein knallfin onsdagskveld :)

Magre scones

2010-04-19T19:14:00.005+01:00

Det blei ein lang bloggpause dette, men det har jammen vore godt og ;)
Eg gjekk rett og slett litt lei heile blogginga, men satsar på å vera tilbake med ny giv framover!

I dag har vi baka litt igjen. Denne gongen vart det magre scones, som er ypperleg som nistemat til barnehage og skule, dersom ein skal ut på tur eller attåt supper.
Eg deler oppskrifta med deg her:

Magre scones:

4 dl sammalt kveite, fin
4 dl kveitemjøl
1 ts salt
3 ts bakepulver
1 beger cottage cheese
2 dl skumma mjølk

Slik gjer du:

bland det tørre.
Tilsett cottage cheese (smeltar ved steiking og gjer sconsen saftig) og melk.
Rør deigen jevn og fin og del i 4 like store deler.
Lag flate runde kaker, ca 15 cm i diameter og legg på steikeplata.
Skjer eit gryss i kvar kake før du steiker dei.

Steik på 250 grader i ca 10 minutt

Nysteikte scones klare til å nytast..mmmmm!

babyteppe..

2010-01-05T21:04:00.003Z

til ein liten baby som er venta om nokre veker, har vore på pinnane i jula. Det er strikka etter oppskrift frå askeladden, men eg har strikka det i babyull. mjukt varmt og godt :)
Rundt kanten har eg hekla ein søt picotkant.

I eine hjørnet har eg sydd på ein hekla blom, saman med eit *baby*sløyfebånd :)

Nå er teppet vaska, dampa og ligg samanbretta og klart til den vesle..
Håpar gåva fell i smak!

krokhassel..

2009-12-07T20:10:00.002Z

..er ganske dekorativt i seg sjølv, syns eg :)
Eg plar ha nokre greiner i ein vase eller ei krukke som me pyntar med diverse pynt til dei ulike høgtidene, og også årstidene.
Greinene held seg like fine når dei er tørka, og kan godt pakkast vekk med julepynten om ein berre ynskjer å ha dei framme i korte periodar..

No i adventstida har greinene fått på seg nokre små kvite julekuler som pynt, og når eg kikkar meg rundt så går mykje av adventspynten her i kvitt og sølv, med små innslag av lilla.. MEN når jula kjem dukkar også nissane og det raude fram her hos meg. Det høyrer liksom jula til, uansett trendar i interiøret...

ser du ekstra godt etter er kulene flate under...dei kan nemleg også brukast som bordkort :)
Kjøpt på europris for kun nokre få kroner.

Fin mandag til deg som kikkar innom :))

Vinterpynt

2009-12-04T20:15:00.003Z

Ein liten vinterdekorasjon vart til her ein dag når eg putla litt på med hobbysakene mine.
Vanlegvis plar eg pynte eit hjerte eller ein krans til å ha på døra rundt juletider, men i år fann eg ut at eg ville lage ein dekorasjon som ikkje er spesielt julete, men meir vinterpynt slik at den kan hengje oppe litt lenger ;)
Eg kjøpte ei metallstjerne og diverse pynt hos sæbøvik gåver og leiker som eg pynta med nokre tuhjagreiner og nokre greiner av ein krokhassel. Ein del pynt fann eg og hos buketten då den hadde nyopning..

små kuler av metalltråd..

eit stoffhjerte, små kongler og eit lite metallhjerte..

Ein liten sølvfugl med nydeleg kvit stjert har fått plass på stjerna..

Nydeleg pynt frå Lisbeth Dahl..

Stjerna kan pyntast etter årstidene om ein har lyst.. kanskje kjem det eit nytt innlegg med den til våren??

Ynskjer deg som kikkar innom ei herleg helg!!

Adventsdekorasjonen..

2009-12-02T13:15:00.003Z

..i år ser slik ut hos oss :)i haust var store og små i familien ute og plukka inn kastanjenøtter, hasselnøtter, små kongler og nokre greiner frå ein krokhassel eller trollhassel om du vil. Desse har lege til tørk i eit par månader og på søndag vart dei teke i bruk når vi skulle lage til adventssdekorasjonen med 4 lys. Litt "fersk" mose vart pluka inn til å ha i bunnen på sinkfatet.

Maren var så flink, og stod for mesteparten av danderinga :) ein liten sølvfugl og sinkhjerter med tal på har og fått plass på fatet. Ein del små sølvkuler er og dryssa over mose og pynt, men dette er ikkje så godt å sjå på bildene..
I år valgte vi å ha kvite kubbelys sjølv om det er advent..ein lilla duk under får vera symbolet på sjølve adventstida :)

Ynskjer deg som er innom ei fin og roleg adventstid!

kalender og adventsstemning

2009-12-01T13:21:00.003Z

Kalenderpakkane er på plass, og forventningane var store i dag tidleg når 1. pakke skulle opnast :)
Maren har hatt denne kalenderen sidan ho var 2 år. Farmora hennar har brodert den og dermed er det ekstra stas å hengje den opp kvar desember.

Maren er ei kreativ og fingernem jente og i går kom ho heim med denne flotte kalenderelgen til veslesøstera. Den har ho snekra, saga og mala på i sløydtimane i fleire veker. og det var stas å sjå forventningane i ansiktet hennar når ho kom heim frå skulen i går...

Klart me syns ho er flink!! sjå berre på denne sjarmerande karen som heng i stova vår nå :)

Ellers er heimen så smått blitt pynta til advent..stjerna er på plass. Ei papirstjerne med holmønster (som ikkje er så lett å sjå på dette bildet), som eg har kjøpt på baronessa på Husnes.

adventsstaken min kjem i neste innlegg :)

klin kokos!

2009-11-27T07:49:00.003Z

Er navnet på dagens oppskrift, og er ein av kakene eg hugsar frå min eigen barndom :) Særleg mormor og tante Kjersti var nokre reserar på denne kaka.. Den er ein sikker favoritt blant store og små her i heimen.
Kaka krev ingen steiking, med derimot lang vispetid.
Her får du oppskrifta hos meg i dag:

Klin kokos

2 dl vatn
1/2 kg sukker
8 plater gelantin
1/2 dl kokande vatn
250 gr kokosmasse (legg til side ca 2 ss av kokosen til å ha på toppen av kaka)
100 gr lys kokesjokolade
40 gr delfiafett

bløyt gelantinen i kaldt vatn.
visp 2 dl vatn og sukker i ca 10 min
legg den bløytte gelantinen oppi kokande vatn (1/2 dl) og visp kraftig til alt er oppløyst.
tøm det så oppi sukkeret og vatnet og visp i ytterliggare 1 time..
ha så oppi kokosmassen og bland saman.
Hell røra oppi ei kakeform (ca 24 cm) og sett den i kjøleskapet. når massen har stivna heller du smelta sjokolade på toppen og drysser litt kokos på toppen. set kaka inn i kjøleskapet igjen til sjokoladen har stivna.
kaka er så klar til servering :)

Nammm...eit stykke knallgod kokoskake!!!

ynskjer deg ei herleg 1.adventshelg :) gler meg til å finne fram pynt nå og lage adventsstemning i heimen!!

ReDoir

2009-11-24T11:47:00.004Z

Mi kjære søster har kjoleutstilling i galleriet sitt denne månaden og då eg var i Stavanger forrige helg, fall eg fullstendig for denne kjolen :)

og jaggu vart den med meg heim..
Kjolen er sydd av Hege Karlsen. Alt ho syr er redesign :) Kjolane må berre opplevast!

Detaljar frå kjolen..frottehjerte, utsnitt av eit kart og tyll.. ReDoir..

detaljar frå livet på kjolen..

Stikk innom galleri HIJ om du er i Stavanger! Eit utruleg koseleg galleri (heilt objektivt sett, sjølvsagt ;) ) med flotte maleri og denne månaden også kjolar. Søster mi har også ein del kjolar i utstillinga, som ho har mala på. Du finn garantert kjolar du ikkje har sett maken til før og har du ein slik på, på julebordet er du garantert åleine om å ha akkurat den kjolen ;)

Ellers har eg hatt store problem med å legge inn nye innlegg i over ei veke nå...argh..!
Håpar problemet er over for denne gong og innlegga kan komma litt tettare ;)

Ynskjer deg ein knakande flott tysdag!!

sesongens aller siste..

2009-11-12T20:25:00.002Z

..skjønne roseknoppar vart plukka inn i går...

Ein nydeleg knopp frå peacerosetreet mitt, saman med små rosa roser frå ein svær rosebusk. Herleg å kunna plukka med seg inn friske blomar frå hagen sjølv om vi er komne til midten av november :)

Når vi kjøpte huset var hagen godt opparbeidd med mange blomar og andre planter. utruleg nok så blømer det eit eller anna i hagen frå mars til november!

Snart helg, og den skal nytast i Stavanger!! gler meg masse :) då skal bl.a siste rest av julepresangane handlast inn.

GOD HELG til deg !

Dagens oppskrift..

2009-11-06T10:56:00.003Z

er matmuffins med diverse snadder i :) her er det vel eigentleg berre fantasien som set grenser for kva ein kan fylla dei med..
her er oppskrifta på dei eg laga sist:

Matmuffins:

100 gr riven gulrot (2 gulrøtter)
1 løk (kan droppast dersom ungane ikkje er så glad i løksmaken)
1 pakke kokt skinke (påleggspakke..) eller baconbitar.
3 ss olje
4 store egg
100 gr riven ost
1 dl melk
450 gr kveitemjøl
4 ts bakepulver
1 ts salt
1 ts pepper

1) riv gulrøttene på råkostjern og finhakk løken
2) steik løken lett, saman med gulrøttene og skinka. avkjøl blandinda til den er lunka
3) rør i egg, eitt om gongen. tilsett deretter resten av ingrediensane
4) fordel røra i muffinsformer
5) steik på midterste rille på 180 grader i ca 35 minutt, til muffinsane er gylne og gjennomsteikte.
6) avkjøl muffinsane og nyyyyt :)

Desse muffinsane er knallgode som niste for både store og små :)
Efaringane her var at første gong eg laga desse åt ikkje dei minste så mykje av det..kanskje det har noko med muffinsformene å gjera?? ungane forventar då at det skal vera ein søt smak på muffinsane..ja, ja det går seg til etter kvart!

Ferdigsteikte matmuffins som vi hadde til kvelds i går :)

Eg ynskjer deg som er innom ei knallfin helg!!!!!!!!!!!

Regnbogesokkar :)

2009-11-05T08:49:00.002Z

Baronessa har fått inn eit nytt sokkegarn, palett, som eg fekk lyst å prøve ;)
Palett er 75 % ull og 25 % nylon.

Garnet finns i ulike fargenyansar, og eg valde dette i rosa, oransj, lilla og grønnturkise fargar. Spennande å sjå mønsteret etter kvart som ein strikkar.
Garnet er såpass tynt at ein brukar pinnar 2,5 og då kan du vel sjølv tenke deg at desse sokkane i str 40 har teke lang tid å bli ferdige med... Trur forresten at garnet finns i ein tjukkelse større og om du ikkje likar å strikke med så tynt garn ;)
Sokkemønsteret finn du inni banderolen til garnet.

fine fargar isaman, men som du ser er garnet noko ujamt i tjukkelsen, og derfor kjem ein del digre masker innimellom dei små..

for dei som ventar på ei ny matoppskrift, så kjem den i morgon :D
eit hint om kva du treng er t.d kveitemjøl, gulrot, ost, kokt skinke..

ynskjer deg som kikkar innom ein super torsdag!!

Rundfelling..

2009-11-03T17:18:00.004Z

er utruleg flott, særleg på små barnegenserar!
Denne er strikka i Sandnes alpakka på pinnar 3,5 så det gjekk egentleg ganske kjapt å bli ferdig med den :)

god og varm alpakkaull som skal varme ein heldig liten gut..

masker tett i tett..

Nå har eg eit par sokkar i matchande fargar på pinnane..kjekt med restegarn ;)

fin kveld til deg som kikkar innom!

orkidetips :)

2009-11-01T15:29:00.003Z

orkidear har ein tendens til å leve ganske så kort tid hos meg..eg er vel kanskje litt for "snill" med dei og gir for mykje vatn osv...

Når det gjeld dei små orkideane har eg derimot eit glimrande tips å komma med :) ta dei ut av potta dei kjem i og plasser den oppi ein vase eller eit høgt glas.
ein gong i veka fyller du glaset med med lunka vatn slik at vatnet dekker røtene. Då vil du sjå at det festar seg vannbobler på røtene, noko som betyr at blomen "drikk" vatn. etter 10-15 min vil boblene sleppa taket og ploppa opp til vannflata. Då har planta fått nok vatn. tøm ut vatnet og set orkideen tilbake i vinduskarmen ;)

Eit nydeleg eksemplar av min vesle orkide. Den har stått og blømt lenge nå etter at eg har følgt oppskrifta ovanfor :)

Ynskjer deg som kikkar innom ei strålande flott kommande veke :D

Ranuklar m.m

2009-10-31T19:56:00.005Z

I går og i dag har eg hatt nokre koslege dagar på Halsnøy :) Buketten har opna ny og større butikk og der kjøpte eg desse nydelege kvite ranuklane. Er du på øya, er denne butikken absolutt verdt eit besøk!

Stemningsbilder frå heimen i kveld. Det er mørkt, haustvinden bles ute og då er det koseleg å tenne stearinlys inne..

Eg måtte sjølvsagt ha meg ein tur innom "Sæbøvik gåver og leiker" når eg var på Halsnøy og der fann eg denne skjønne kruna med plass til eit lite lys på toppen, og pakken med lys som du ser i bakgrunnen. Den er så fint innpakka og dekorativ at den skal få stå framme :)
Begge er frå Ib Laursen.

Nå skal laurdagskvelden nytast med litt handarbeid og tv-kikking :)

God helg til deg som kikkar innom!!

ein kjær skatt..

2009-10-27T19:56:00.002Z

..for meg, er denne duken i Hardangersaum som mi kjære mamma laga på 70-talet. Ho var ei utruleg fingernem dame som trylla fram dei flottaste plagg med symaskina, ho strikka, hekla og broderte :)
Duken har eg vore litt redd for, så den har lege godt bevart langt nede i ei kommodeskuff..
Etter kvart har eg tenkt at ho laga den jo fordi den skulle brukast, så nå får den pynta opp salongbordet mitt frå tid til annan.
Syns liksom heile stova blir festpynta med denne duken på bordet!

Mange timar har gått med til å laga dette kunstverket av ein duk, som eg er så glad i :)
Hardangersaum ser utruleg vanskeleg ut, men ein dag vil eg og prøve meg på dette eg og.

Dagens oppskrift..

2009-10-23T13:35:00.003+01:00

..er ikkje av dei mest spennande akkurat :) men eplekake er knallgodt, og spesielt nå om hausten når ein kan bruke norske litt syrlege epler! når ikkje det er sesong for norske epler plar eg bruke granny smith.
Oppskrifta denne gong har eg funne på frukt.no og eg deler den gjerne med deg :

Eplekake

125 gr smør
125 gr sukker
125 gr kveitemjøl
2 stk egg
1 ts bakepulver
2 store eller 3 små epler
12 mandlar (kan sløyfast)

2ss sukker (til å strø over)
1 ts malt kanel (til å strø over)

smør, sukker, mjøl og bakepulver smuldrast saman. Rør i samanpiska egg. Fordel deigen i ei smurt, rund kakeform. Rens og del eplene i båtar som du så legg tett over deigen. Dryss over hakka mandlar, sukker og kanel.

steik på 200 grader i ca 30 min. eplekaka serverast best varm, saman med piska krem, rømme, is eller vaniljesaus.

Eg serverte kaka denne gong varm, saman med litt vaniljesaus og pistasjeis.. men det hadde vore betre med vaniljeis ;)

Ynskjer deg som kikkar innom ei knallfin helg!!!

Kari- og Olavotten

2009-10-22T13:14:00.002+01:00

Vintertemperaturen kom litt vel tidlig for oss for nokre dagar sidan og dermed var det på tide å hive seg i vottestrikkinga...
Eg fann eit gamalt mønster i permen min, Karivotten, som er så søt med ei jente på. Olavotten med gut på, kan ein strikke til gutane ;)
Eg har strikka dei i brun og rosa SISU, slik at dei passar til barnehagedressen til veslesnupp.

Så yndige, varme og gode til små barnehender..
einaste problemet er at ho som dei var meint til hyler kvar gong eg tek dei fram..
ho hatar ull, til min store fortvilelse :)
ho føretrekk nokre gamle, raude polvottar med rosa grisar på som var kjøpt til Maren ein gong på slutten av 90-talet..ikkje særleg flotte å sjå på og altfor store, men pytt, pytt. ho er iallefall varm på hendene ;) og dessutan er det milde og solrike dagar igjen her nå.

NB! Nytt innlegg i morgon med oppskrift på noko godt til helga!! Line, ein av lesarane av bloggen min, kom med ideen om å ha eit innlegg med mat/snacksoppskrift kvar fredag..det får eg prøva på framover!

saftig banankake

2009-10-15T19:09:00.002+01:00

Denne banankaka er knallgod på smak og ikkje minst ganske kjapp å lage. Maren har begynt med mat og helse på skulen dette året, noko som har resultert i at ho prøver ut det eine og det andre på matfronten her heime. Kjempekjekt for oss andre når ho putlar på ute på kjøkkenet og kjem med overraskelsar rett som det er :)

I dag deler vi oppskrifta på denne kaka med deg!

banankake:

150 gr margarin
2 dl sukker
2 egg
4 dl kveitemjøl
1 ts bakepulver
1 ts vaniljesukker
1 ts kanel
2 godt modne bananer
100 gr kokesjokolade, hakka i bitar
evt 50 gr valnøtter, grovhakka

rør smør og sukker kvitt. Ha i egg, kveitemjøl, bakepulver, vaniljesukker, kanel.
mos bananene med gaffel og ha i røren. Bland i kokesjokolade og evt nøttene.
Hell røra over i ei smurt 1 l brødform og steik i ca 45 min på 175 grader.

Nb! eg pleier å la ver å mose bananene for mykje, slik at det vert bananbitar i kaka. det syns eg er best, men prøv deg fram kva du syns ;)

Mmmm..rykande fersk banankake er snadder!!

blømande sokkar

2009-10-09T18:49:00.002+01:00

Eit nytt sokkepar er ferdig. Denne gongen er det Maren som har bestilt eit par ekstra lange sokkar med blomar langs kanten ;)

Øverst på sokkane hekla eg og ein kvit picotkant.
Blomane er blitt til av restegarn og blir dekorativt når sokkane stikk opp frå sko og støvlar :) "akkurat slik eg ville ha dei!" var kommentaren frå Maren når dei var ferdige.
supert syns eg!

Ynskjer deg som kikkar innom ei knallfin helg :)

kjole til ei lita prinsesse..

2009-10-07T12:58:00.002+01:00

..er endeleg ferdig! Litt einsformig og kjedeleg å strikke så mykje einsfarga, men slikt passar jo t.d til tv-strikking ;)
Mønsteret er henta frå eit gamalt utklipp frå eit vekeblad, og som vanleg har eg gjort ein del endringar.. Det skulle eigentleg vera kant nederst og rundt armane med "pelsgarn" som var så veldig in for nokre år sidan. Denne kutta eg ut, og hekla heller ein picotkant.
Garnet eg har brukt er SISU.

Detaljar frå kjolen. Ei prinsessekrone er brodert inn (av London Gull) på brystet og ei off-white sløyfe er tredd rundt livet.

Nederst på kjolen, striper av "gull" og hekla picotkant.

Eg har meir på lur som er ferdigstrikka, så eg er nok straks tilbake med eit nytt innlegg :)

tunika

2009-09-20T16:12:00.002+01:00

Eg har strikka denne tunikaen til Maren i bomullsgarnet mandarin. Mønsteret er henta frå heftet mandarin dame frå sandnes garn.
passformen er utruleg fin og den sit som eit skudd på den store jenta mi :)
fargane har ho teke ut sjølv, og sjølv om ho no er 11 år er rosa og lilla ein farge som ho ikkje heilt klarer å gje slepp på..

Ellers må eg berre vise dei nydelege fargane på blomane på hotensiabusken min nett no. sjølv om dei held på å miste den flotte blåfargen er fargane som kjem fram før dei visnar, utruleg flott..grønn,rosa, lilla...herleg!!

Ein stor bukett har fått komme inn på bordet, og skal pynte opp mellom kaker og diverse for i morgon feirer vi 2-årsdag i huset!!
hipp hipp hurra for veslesnupp :)

knasande gode knekkebrød!

2009-09-10T19:03:00.002+01:00

Desse heimelaga knekkebrøda kan anbefalast på det sterkaste! knallgode og mettande til tusen. og dessutan er dei enkle å lage :)
Oppskrifta såg eg på "god morgen, Norge" for ei stund tilbake og har sidan då baka fleire ladningar som forsvinn kjapt.

Eg deler gjerne oppskrifta med deg:

Knekkebrød

4 dl grov rug
4 dl lettkokte havregryn
2 dl solsikkekjernar
1 dl linfrø
1 dl sesamfrø
7 dl kaldt vatn
1/2 - 1 ts salt

Bland alt saman og la røra stå og svelle i 10 minutt
strø røra over steikeplata med bakepapir. det er nok til 2 1/2 plate
bruk ein slikkepott til å dra røra utover platene. (det kan vera lurt å duppe den i vatn slik at røra ikkje klistrar seg til slikkepotten)

steik på 180 grader i 40 minutt, skru deretter ovnen ned til 50 grader og steik i 20 minutt til.
du kan ha fleire brett i ovnen om du har varmluftsovn.

Lykke til!!

Mmmm..kveldsen min i kveld er heimelaga knekkebrød med salat, skinke og agurk :)

liten rosett

2009-09-08T13:45:00.002+01:00

Ein liknande rosett/blomst som denne såg på ein eller anna blogg, men hugsar ikkje kva for ein.. tenkte eg ville prøve å hekle ein slik sjølv og nå er det gjort :)
Eg hekla 2 runde lappar som eg sydde saman og fylte med vatt. Deretter sydde eg stramt med ein tynn tråd rundt med jevne mellomrom slik at det ser ut som blad. etterpå festa eg på ein knapp på toppen..

Desse kan lagast i alle slags størrelsar, og kan brukast som pynt på vesker, sjal og liknande eller berre som pynt som på bilder her..

er hausten kommen for å bli??

2009-08-17T17:02:00.002+01:00

slik føles det iallefall her på Vestlandet for tida.. Regnet bøttar ned i store mengder og gradestokken ligg på rundt 12-13 grader. ikkje mykje som minnar om sommar, nei! (bortsett frå i dag..då har til og med sola kikka fram)

Ikkje det at det gjer meg så mykje for eg er av dei som elskar hausten med regn, storm, og mørke kveldar.. koseleg å tenna mange lys og finne på innaktivitetar. Dessutan er det så forfriskande å ta seg ein tur ut i slikt ver, for ikkje å snakka om kor godt det er å komma inn i varmen etterpå :)

I går hadde eg meg ein god tur i skogen i plaskande regn, og då plukka eg med meg diverse greiner av ulike sortar og laga meg ein liten haustbukett til å ha utanfor inngongsdøra. Det er den du ser på bildet ovanfor.

ellers hadde eg middagsgjester i går og derfor plukka eg og med meg ein liten bukett til å ha på bordet. Røsslyng, blåknapp og blåklokker passar fint saman..

Ha ein herleg mandag, folks!!

H for...

2009-08-05T20:20:00.003+01:00

.. f.eks Heim, Hjerte, Håvard, Haldis (eller "Hjallis" som du etterlyste ..he,he) Hobby, Håndarbeid, Himmel!
som alle er viktige for meg :)

Ein del ny og gammal pynt har flytta rundt i stova. Den gamle hylla har fått ein stor H som dekorasjon saman med anna dill som har pynta opp andre stader i huset.
Under hylla har eg hengt opp eit par prinsessekroneknaggar som har fått nokre sinkhjerter og ei lykt på..

ei heimelaga lykt, ei rose og ein liten vase med rosebukett oppi har fått plass på hylla saman med H'en

Ein orkide har takka for seg, og blomane som var ganske slappe og datt av putta eg oppi ei skål med vatn. Blomane vart då fine igjen og pyntar opp på bordet!

då er det fram med strikketøyet, ein surferunde, og litt avslapping før eg tar kvelden :)

sylting..

2009-07-30T19:30:00.002+01:00

..har vore ein av aktivitetane i heimen i dag, takka vera gode naboar med mange, store og saftige bringebær!

bæra har fått eit oppkok og eg har hatt oppi fruktose som søtningsstoff.

mange boksar med ferdig bringebæsyltetøy klar for frysaren...Mmmm! desse skal me kosa oss med gjennom hausten og vinteren :)

kveldsen til minstesnuppa såg slik ut i kveld..små skivebitar med brunost og bringebær på toppen. Du kan nå tippe kva som vart ete opp fyrst ;)

sommarsleg innandørs

2009-07-24T19:00:00.003+01:00

Når sommaren ikkje vil komma tilbake utandørs, får vi heller laga sommarstemning inne.
Eit bilde frå kjøkkenet mitt i dag, med rosa duk på bordet, små skjønne roser frå hagen og rosemønstrete puter frå KID på stolane gjer susen for å oppretthalde sommarstemninga innandørs.

Ynskjer deg som kikkar innom ei strålande flott helg!

små prosjekt på gong..

2009-07-19T14:50:00.002+01:00

..og denne gongen er det søte nøkkelringar eg dekorerer.

denne har eg pynta med rosa fløyesbånd, kjetting, små roser..

denne har fått på seg sølvkuler, ein sko og ei veske..

fleire nøkkelringr er under produksjon og vil nok dukke opp her på bloggen om litt..

denne skjønne skåla fekk eg som bygåve av mi kjære svigermor tidlegare i sommar! den er frå green gate og passar fint inn her hos meg :)

herleg lavendel!

2009-07-14T13:25:00.003+01:00

Lavendelen blømer for fullt nå, og tidlegare i dag plukka eg med meg inn ein stor bukett..

eg plar lage små bukettar av lavendelen som eg heng opp til tørk rundt omkring i huset. fargen held seg godt og lagar god, sommarsleg lukt gjennom vinteren :)

Ein stor bukett lavendel står i vasen av fattigmannssølv og pyntar opp på bordet..mm..luktar
himmelsk godt :D

endeleg tilbake!

2009-07-12T12:18:00.002+01:00

Det har jaggu ikkje vore mykje blogging frå meg den siste månaden... vi har vore eit par veker på ferie uten pc, og når vi kom heim igjen har veret vore så utruleg flott at vi har vore ute frå morgon til kveld.
Strikkepinnane har likevel ikkje vore i ro sjølv om sola har skine ;)
Denne skjønne kjolen fann eg blant gratisoppskriftene til DROPS på nettet og fall pladask! eg har strikka den til veslesnuppa, og den vert ho nok fin i til hausten/vinteren!
Eg ser heilt klart at eg burde dampa kjolen før eg tok bilde, men, men...

matchande sokkar må vi sjølvsagt og ha til kjolen. Desse var det ikkje mønster på, men eg strikka dei etter eit gamalt mønster eg har liggjande. eg har pynta dei med hekla blomar i samme farge som kjolen..

skjønne blomar i friske fargar :)

Ha ei flott kommande veka, anten du har ferie eller må på jobb!!

sinkfat

2009-06-13T11:17:00.004+01:00

Dette nydelege sinkfatet fann eg på baronessa her hin dagen!! knallfint med "blondekanten" rundt, syns eg :)

det geniale med slike fat er at ein stadig kan bytte ut pynten alt etter kva årstid det er, høgtider osv.. då bli det som ein heilt ny dekorasjon

På fatet mitt har bl.a dette fått plass i dag; ein "love"stein, to telysholdarar i fattigmannssølv, ein liten vase med kvite skjønne nellikar frå eigen hage

Eit prakteksemplar av ein peon frå hagen har fått komme inn i huset. Den er verkeleg litt av eit syn og sper rundt seg med ei herleg duft!

Ynskjer deg ei knallfin helg!!

brownies m/fruktose

2009-06-09T19:32:00.003+01:00

Eg har laga ei nydeleg brownieskake der eg har brukt fruktose istadenfor vanleg raffinert sukker. Denne kan vera eit godt alternativ dersom ein er diabetikar og vil unne seg eit kakestykke.. eller dersom ein berre vil ha eit litt sunnare alternativ til kaffien.

Eg har pynta mi med eit lett melisdryss og eit jordbær på toppen.

Denne kokesjokoladen brukar eg i kaka mi og den er mykje "sunnare" enn vanleg kokesjokolade fordi den inneheld 70 % kakao. Denne kan eg eta nokre bitar av som snacks utan at blodsukkeret fyk til vers ;)

eg deler gjerne oppskrifta med deg ;)

brownieskake

100 gr freia kokesjokolade 70 %
100 gr fruktose
150 gr smør
2 egg
2 ts freia vaniljesukker
100 gr kveitemjøl
75 gr nøtter (kan sløyfast..)

rør smør og sukker kvitt. tilset egg og vaniljesukker
rør inn mjøl, smelta sjokolade og nøtter.
hell røra i ei rund kakeform, ca 24 cm. hugs bakepapir i botnen av forma.
steik på 170 grader i ca 30 min. (kaka skal vera litt halvrå inni)
avkjøl og nyyyyt :)

ramme..

2009-06-05T19:02:00.002+01:00

Denne skjønne doble ramma kom eg over sist eg var innom sæbøvik gaver og leker. passar fint med eit bilde av kvar av snuppene mine i den!

god helg til deg som kikkar innom :)

terrassekos..

2009-06-02T14:55:00.002+01:00

..har det vore mykje av denne pinsehelga! knallver kvar einaste dag har gjort sitt til at vi har halde oss mest ute om dagane og dei fleste måltid har blitt innteke her ved terrassebordet :) utruleg herleg å ha det slik!
litt pynt har fått plass på bordet, slumreteppe og strikkekorg er i nærleiken..
korga er kjøpt hos europris og utruleg grei å ha handarbeidet i nå når det blir drege inn og ut fleire gonger i løpet av dagen :)

Nyperosene blømer for fullt i hagen nå og eit par eksemplar har fått plass på bordet ute...mm..nydeleg lukt sprer dei rundt seg ;)

ynskjer deg ei flott sommarveke :) for det ER sommar no!

Så yndige og små..

2009-05-28T16:02:00.002+01:00

..er dei nydelege små forglem-meg-ei-blomane!

desse veks vilt på plenen vår og i ettermiddag eg fekk plukka med meg ein liten bukett før mannen rasa over dei med plenklypparen ;)

blomane har fått plass i ein liten kvit vase som passar perfekt til slike små bukettar

Litt pynt på trappa i den gamle kassen min..

ynskjer deg ei strålande flott pinsehelg!!

eit alternativ til dei kjedelege skivene i matpakken..

2009-05-25T19:08:00.003+01:00

kan t.d vera heimelaga horn med ost og skinkefyll :)
Kven har vel ikkje opna nisteboksen og ...ufff..får bare lyst å pakke den saman igjen. Eg blir iallefall utruleg lei av dei skivene mine når eg har niste med på jobb kvar dag.
Så i dag har eg baka ein heil haug av desse og fyllt opp frysaren, til glede for både store og små nistespisarar i heimen ;)

Eit herleg barndomsminne er nysteikte horn med bringebærsyltetøy som fyll...namm..
blei ein del av denne sorten i frysaren og.
Desse passar best som dessert eller som noko godt attåt kaffien pga det søte fyllet.

søte boksar..

2009-05-04T07:55:00.002+01:00

..frå green gate er handla inn :) boksane finns i mange ulike storleikar.Den minste på bildet vert nok brukt til matboks til veslesnuppa når ho byrjar i barnehagen til hausten.

Baronessa på Husnes har og fått inn ein del servise, små dukar, serviettar m.m i dette merket og det er jo så nusseleg med ein kombinasjon av prikkar og blomar i skjønne fargar.
Her er noko for ein kvar smak!

Ellers er det utruleg herleg nå når det blømer for fullt i hagen og ein kan ta inn friske blomar og pynta med rundt i huset. denne oldemorvasen er eg så glad i og syns fasongen på den er så fin. Den vart kjøpt hos annas rom for eit par år sidan. No har den fått ei rosa sløyfe av blonde som pynt.

eg ynskjer deg ei super veka!

Nytt oppheng

2009-04-28T20:14:00.002+01:00

Eg fekk tak i dette skjønne opphenget på Halsnøy rett før påske og nå har det fått plass på veggen med diverse pynt på seg.
Eit slikt oppheng kan ein godt lage sjølv dersom ein er litt fingernem.. små trelister, litt hønsenetting og kleklyper i tre er det ein treng.

eit hjerte med små prismer og perler på..ei lenke med klyper og prismer..og ein liten blom er noko av det eg har hengt opp

kleklypene var opphaveleg heilt kvite, men eg har dekoret mine med små prikkar i herlege vårfargar på eine sida. blir eg lei av det kan eg berre snu klypene, og dei er kvite igjen ;)

Eit sinkhjerte har blitt dekorert med blomar frå hagen og har fått plass på opphenget

Slik ser det ut på veggen der opphenget har fått plass!
Det som er så fint er at ein kan bytte ut pynten etter årstider,høgtider osv...då blir det akkurat som ein ny dekorasjon kvar gong ;)

ohh..herlege vår!!!

2009-04-23T14:14:00.004+01:00

Ein nydeleg bukett med kvitveis har fått plass på kjøkkenbordet :) vi har alltid ein fast plass vi går på tur om våren med dei eine formålet å få med oss ein stor bukett heim..
store skogbunnen er dekka av eit kvitt teppe og det er vekeleg eit syn!

tusenvis av små kvite "stjerner" strekkjer seg mot sola..

Dei har fått hedersplassen i vasen i fattigmannssølv frå Nordhjem, som forøvrig er nydeleg å ha telys i og ;)

i morgon reiser vi til Stavanger der vi har eit tett program føre oss..kongepark, besøk hos slekt, konfirmasjon og konsert!! gler oss masse.
eg nyttar dermed sjansen til å ynskje deg ei strålande flott vårhelg :)

skjørtet..

2009-04-07T18:34:00.002+01:00

..til tunikaen eg viste for ei stund tilbake er nå ferdig :) her ser du bilde av heile settet..

små blomar, like dei på beltet, pyntar opp skjørtet.

picotkant rundt kanten nederst gir eit søtt preg på skjørtet. Nå håpar vi på ein ikkje alfor varm 17.mai, slik at Maren kan bruke dei nye strikkakleda sine då ;)

(På bildet; søte små telysholdarar frå Lisbeth Dahl innkjøpt på Sæbøvik gaver og leiker i går)

Ellers vil eg ynskje deg ei herleg påske med tid til å slappa av og lade batteria!!
vi gler oss til mange dagar med besøk, turar og kos :)

ulltrøye

2009-03-30T13:05:00.003+01:00

Eg har strikka ei skjønn rosa ulltrøye til veslesnupp :)
Mønsteret er frå askeladden, men der går berre mønsteret opp til 12-18 mnd, så eg har lagt opp litt fleire masker og eksperimentert litt. I tillegg har eg hekla ein søt picotkant rundt armholer, hals og på kanten nederst. Det gjekk bra for ulltrøya passa perfekt. I mønsteret står det ullundertrøye, men eg brukar det meir som ein vest oppå ein body eller tynn genser.

mjuk og god..
Halsutringinga går an å knappa opp slik at trøya glir lettare over hovudet :) skjønne små blomeknappar set prikken over i'en!

ellers er det dette som er ein av dei kjekkaste aktivitetane for tida :) trilla pusen eller dokka i vogna..

Ynskjer deg ein super mandag!!

'

God helg!

2009-03-27T18:29:00.003Z

fredagsroen har senka seg, eg har tent mange lys og vi har sege ned i godstolen og skal berre slappa av og nyte helgekjensla :)

Gir deg eit par stemningsbilder frå heimen i kveld, med ynskje om

ei god helg!!!

inspiration

2009-03-25T16:36:00.002Z

Eg har fått ein del spørsmål angåande mønster m.m når det gjeld tunikaen som eg viste i eit tidlegare innlegg. Mønsteret er henta frå eit hefte som heiter INSPIRATION frå schachenmayr og ser slik ut på framsida som bildet ovanfor viser. Garnet som er brukt på alle modellane i heftet er rheuma thermal wolle, som er 100 % ny ull og knallmjukt og godt!
Mønsteret står på både svensk og norsk. norsk bakerst i heftet, ikkje sant Anvor ;)

Det er utruleg mykje fint i heftet og mange plagg som kan kombinerast, så eg kjem nok til å strikke meir heifrå.

Kjolen på dette bildet vert muligens eit prosjekt i framtida.. ein gong :)

ellers har eg hatt stooore problem med blogger i nesten ei veke. Ikkje har eg klart å logge meg inn, lest kommentarar på siste innlegget mitt eller kommentert hos dåke andre..utruleg irriterande!! men nå ser det ut til å vera over for denne gong, heldigvis :)
Andre som har hatt liknande problem??

Nå må eg ha meg ein besøksrunde hos dåke alle!!

Ha ein fin onsdagskveld!

ein liten bommert

2009-03-18T13:13:00.002Z

var vel dette kjøpet eigentleg. Eg likar så utruleg godt all pynt i fattigmannssølv, men har ingen vase i dette sidan det ikkje toler vatn. Då skallar nemleg "sølvet" av :)

Her ein dag kom eg over denne vesle søte og yndige vasen i nettopp fattigmannssølv. "jøss", tenkte eg.."kanskje den er sett inn med noko spesielt slik at akkurat denne toler vatn".
Så eg greip med meg ein og sprang til kassen.
Denne ville jo passe vanvittig bra til krokusar, snøklokker osv..som du ser på bildet.
Vel heime putta eg blomar oppi vasen, fylte vatn i og sette den fint på ei hylle... uæææææ!!! dagen etterpå ser eg at sølvet er i ferd med å dette av :(
hallo...kva er vitsen med å selje vasar som ikkje toler vatn...
Ein liten bommert av eit kjøp altså.

Slik står vasen nett no...med ein sølvblom på toppen..og uten vatn i, sjølvsagt.
men det var nå ikkje akkurat slik eg hadde tenkt det.......

Fin onsdag til deg som kikkar innom :)

den gamle appelsinkassen..

2009-03-16T20:17:00.005Z

.. dregen fram igjen og har fått vårleg pynt i hyllene. blei så inspirert av silje her om dagen som hadde pynta så fint med blomar og diverse på trappa si.

små påskeliljer og stemorsblomar har fått selskap av eit lite hjerte med perler som og er kjøpt på blomebutikken der eg handla inn blomane.

Sinkhjertene som eg brukte til adventslysa heng nå i ein hyssing på kassen

Den gamle sinkbøtta mi har og fått ei remse med hjerter

Ha ei fin veka, min venn!!!

bountykake

2009-03-14T12:47:00.002Z

Lyst på noko godt??
då kan kanskje denne herlege bountykaka som eg har baka i dag frista.. for knakande god er den iallefall, og forholdsvis kjapp å lage :)
Kokos, sjokoladefyll og piska krem med sjokoladedryss på toppen...Mmmmm!

her får du oppskrifta hos meg:

Bountykake

4 eggekviter
200 gr kokosmasse
100 gr sukker
stivpisk eggekvitene og bland så i kokos og sukker
hell deigen i ei rund form ca 24 cm
steik på 160 grader i ca 40 minutt

glasur nr 1:
50 gr smør
1 plate lys kokesjokolade
2 dl melis
4 eggeplommer
smelt på svak varme og avkjøl

Glasur nr 2
3 dl kremfløyte
3 ss sukker
1 ts vanilesukker

hell over glasur 1 og så glasur 2 og strø litt kokesjokolade på toppen..
..og..VOILA!
kaka er klar til å nytast!!

lykter av syltetøyglas

2009-03-12T12:18:00.003Z

i dag har eg putla på og laga nokre lykter til å ha på hagebordet til våren/sommaren. Kom i skikkeleg vårstemning etter det nydelege veret me hadde i går ;)
Eg har festa serviettar på glaset med decoupagelim, limt på perler med limpistol og knytt blonder rundt kanten oppe.

på det andre glaset festa eg på ein rosa serviett med kvite prikkar. Sommarsleg og fint :)

serviett, blonde og perler..

God vårhelg til deg!

strikka tunika/kjole

2009-03-10T10:35:00.003Z

Omsider har eg fått gjort ferdig tunikaen som Maren plukka ut at ho ville ha :)
Mønsteret har eg funne i heftet inspiration og den er strikka i rheuma thermal wolle, eit herleg mjukt og tynt garn!!
I mønsteret står det at ein skal bruka pinnar nr 5 til det tynne garnet, men det vart laust og slettes ikkje noko fint. Eg gjekk ned til pinnar nr 3,5 og strikka 1 str større enn det eg skulle. det vart passeleg!
Som alltid har eg ikkje fylgt mønsteret slavisk.. I mønsteret er tunikaen heilt enkel, utan noko som helst pynt. Eg har hekla ein picotkant rundt armholer, hals og nederst på tunikaen. I tillegg har eg hekla eit belte som passar til. Dette finns ikkje mønster på, for eg har berre dikta undervegs som eg hekla ;)

Detaljar frå beltet. Små blomar med matchande perler på og snurra remser gjer prikken over i'en. Ingen har likt og det er jo litt stas!

Hekla rosett som heng på tunikaen, under halsutringinga.

Slik ser tunikaen ut uten belte. Litt vid modell, så fasongen vert finast med belte i livet.

På pinnane nå har eg skjørt som skal passa til tunikaen. Det blir strikka i samme garn, men i fargen som eg har brukt på beltet.

Fin dag til deg som kikkar innom ;)

mandag..rett og slett :)

2009-03-09T12:32:00.002Z

Skjønne små bordkortholdarar som eg fann hos FRYD. Dei er stødige og står fint utan å velte i tide og utide, slik som eit par andre eg har..

Desse er og kjempefine å feste eit bilde, kort eller ein kanskje ein liten beskjed på..

Knallfin mandag til deg!!

FRYD..

2009-03-05T19:11:00.002Z

..har dessverre gått konkurs, og sel derfor ut alt til -30 %. Eg vart hoppande glad når eg fann desse fine boksane i hyllene der!! dei passar nemleg perfekt inn her hos meg.

Den minste skal eg bruka til å ha diverse håndarbeidsutstyr i. Nett nå rommar den blonder og perler som skal brukast til det siste prosjektet mitt..

Den største boksen står til pynt på hylla i trappeoppgongen, blant anna saman med ei ramme i samme serie. Butikken har framleis mykje fint igjen, så ta deg gjerne ein tur ;)

vårleg bordpynt

2009-03-04T08:42:00.002Z

Denne skåla har eg vist tidlegare med diverse pynt oppi. No har eg mellom anna bytta ut dei blanke flytande telyshaldarane med nokre i sølvfarge som eg har kjøpt hos FRYD.
En bukett med rosa roser som eg hadde kjøpt inn var av heller dårleg kvalitet og hang med hovudet før knoppane hadde sprunge ut :(
Desse klypte eg av og la oppi vatnet i skåla og då kom dei seg og har blømt lenge!

Eg har og lagt oppi eit par lys,lys rosa blomar av rhododendrongreina som eg viste i eit tidlegare innlegg.
delikat og vårleg pynt som passar like godt på salongbordet til kvardags, som på eit festpynta bord :)
om sommaren tek eg blomar frå hagen og matchar serviettar og anna pynt til fargen å blomane.

Ha ein fin dag!!

pusekattar og litt til..

2009-03-01T18:35:00.003Z

I dag har vi vore ute på baksida av hagen og plukka greiner, med mjuke pusekattar frå seljetreet vårt, til å pynta med inne.

Ein stor og flott bukett blei det som nå står så fint i eit gamalt norgesglas som eg har pynta med litt blonde og ei kleklype med pynt som eg har laga tidlegare.

flott pynt til bordet dette..eg kunne godt ha venta nokre dagar til før eg tok greinene inn, men dei opnar seg nok heilt inne og ;)

Eg har hatt eit hjerte av bjørkegreiner liggjande utan pynt, og i dag har eg pynte det med nokre greiner av selje, små stoffblomar og ei sløyfe i enden..

bjørk, selje og små rosa blomar..

ha ei flott kommande veke!!

litt nytt..

2009-02-26T11:14:00.002Z

Eg var ein kjapp tur innom baronessa i går og der fann eg denne vesle søte vasen. Ein liten blonde er limt på rundt kanten og gjer den skikkeleg fin. Den passar perfekt til klosterklokkene som blømer for fullt ute i hagen nett nå!

Det er eit sikkert vårteikn når ungane kjem springande inn med hånda full av desse blomane..med nesten ingen stilk ;)

Desse herlege hjertene fann eg og på samme butikken. Dei har sølvfarge under og gjennomsiktig plast oppå, noko som gir ein flott effekt!

litt tidlig ute, men eg ynskjer deg med dette ei fin,fin helg :)

fancy sox..

2009-02-25T08:04:00.004Z

..er navnet på garnet som eg har brukt på desse siste sokkane som eg har strikka. Garnet finns i ei rekkje flotte fargar.
Garnnøstet såg kjempespennande ut i butikken, men resultatet vart ikke akkurat slik eg såg for meg. sokkane var dessutan heilt umulig å få like striper på.
Maren, som skal få sokkane, er likevel nøgd og då er det greit sidan det liksom er heile vitsen ;)

Detaljbilder av dei ulike effektane på garnet..

Ynskjer deg ein fin onsdag!

Vårstemning i fugleburet

2009-02-23T14:09:00.003Z

All snøen er borte og når sola kikka fram i dag vart det skikkeleg vårstemning ute!
Eg fekk lyst å lage til litt vårstemning inne og, og det første eg gjorde var å pynte fugleburet mitt, som eg har vist fleire gonger, med bl.a ein vase i fattigmannssølv med ei lita rosa rose oppi. Fuglane frå Lisbeth Dahl er på plass i buret og ellers har eg pynta med litt blonder, kvite fjør og ein duftpose med engel på..

Lyslenka som eg kjøpte på IKEA før jul får framleis henge og lage koseleg lys. Syns ikkje den er særleg julete sidan lysa er små diamantar..

Lyslenka lagar utruleg koseleg lys og stemning i buret om kvelden :)

Ynskjer deg som er innom ei flott veka :)

Svart og kvit søndag

2009-02-22T12:23:00.002Z

I dag er det siste dag i fargeveka, og temaet i dag er svart og kvit.

Då viser eg dette bildet av grantrer med tunge greiner dekt av snø..
Det var så utruleg flott dei dagane vi hadde snø!
Nå har den regna vekk og eg er vel egentlig klar for vår og grøne bakkar :)

Bildet er redigert i picasa derfor er det i svart/kvitt..

Ønsker deg ein flott søndag!!

Lilla laurdag

2009-02-21T14:34:00.002Z

Det lilla målbandet mitt er ein trufast ven. Det er fast innventar i veska mi og blir flittig brukt ved div håndarbeid o.l

Den lilla smokken til lillesnupp er ekstra god å ha i desse tider..med feber og masse snørr er det utruleg kor god trøst ho kan finne i denne..i tillegg til eit mjukt og varmt fang ;)

Då er det på tide å ynskje deg ein super laurdag med masse kos :)

fredagens farge er..

2009-02-20T10:53:00.002Z

..oransj! Og då måtte det bli appelsin eg tok bilde av i dag :)
På denne årstida smakar appelsinene absolutt best, syns eg

mmm..nå skal denne oransje herligheten nyyytast!

Ynskjer deg som er innom ei fin helg!

torsdagens farge er..

2009-02-19T12:55:00.002Z

gul..! Og den fargen er vel den eg forbinder mest med påske..
Men inni dei fleste orkideane mine finn eg fargen gul.

eit prakteksemplar av ein orkide!

Ønsker deg ein fin gul torsdag :)

Onsdagens farge er..

2009-02-18T10:20:00.003Z

..Grønn!
Mmm..Heimebakt muffins med grønn geletopp på :)
I går bakte og pynta Maren og ei veninne muffins som dei skulle ha med seg som overraskelse til klassen i dag. Håpar dei fell i smak!

Syns eg må ta med eit fargerikt bilde og av den lekre og saftige muffinsen..med grønn geletopp :)

fin grønn onsdag til deg som kikkar innom!!

tirsdagens farge er..

2009-02-17T11:06:00.002Z

...BLÅ.
Fargeveka går vidare og fargen blå var ikkje lett å finne her hos meg. den er ikkje blant favorittfargane, kan ein vel sei.

Eg vel å vise dette søte blå soppkortet som vi fekk i posten av fadderbarnet vårt, Jose, som bur i Honduras. Er det ikkje fint, vel?
Vil du sjå fleire som er med på fargeveka kan du gå inn på bloggen til koselig-koselig som har lagt
ut link til alle som er med ;)

fin blå tysdag til deg som er innom!!

iskunst

2009-02-16T09:02:00.003Z

Kalde og fine dagar har me hatt i det siste og då er det alltid kjekt å finna på ulike vinteraktivitetar saman med ungane... På fredag hengte vi opp ballongar med vatn ute og laurdagsettermiddag tok vi dei ned og resultatet vart som bildene viser.
Ovanfor ser du ei lykt vi laga. denne ballongen hang berre så lenge at det vart eit iskall ytterst og hol inni. Eit telys inni gjorde skikkeleg koseleg på trappa vår på laurdagskvelden <3

Fleire isskulpturar sett saman i gruppe vart flott og dekorativt.

Lysa lyser gjennom skulpturane og skapar flott stemning.

I nokre av ballongane putta vi raud konditorfarge som gjorde skulpturen ekstra stilig, syns iallefall ungane her ;)
berre så synd at plussgradene kom tilbake på søndagen og smelta heile kunstverket vårt..
Det går sjølvsagt an å jukse litt og putte ballongane med vatn i frysaren og dersom du vil prøve dette!

Ha ein flott mandag!!

fredagsblom frå meg..

2009-02-13T16:50:00.002Z

..til deg i dag vert denne skjønne greina frå ein av rhododendronbuskane i hagen min. Eg har over 20 av sorten forskjellige stader i hagen og dermed gjer det ikkje noko om eg knekker er av nokre greiner i løpet av vinteren og tek inn. Det viser ikkje igjen om våren likevel når buskane står i full blom!

Eit par veker etter at greina er teken inn blømer den like fint om om det var våren som var kommen :)
Fargen på denne sorten er eigentleg lys og sart rosa, men sidan den no står i vinduskarmen og solar seg i vintersola lyg fargen på bildet litt..

Greina står i ei lita glasflaske i vinduskarmen på kjøkkenet..

Ynskjer deg som er innom ei strålande fin vinterhelg :)

Lynghjerte

2009-02-10T11:34:00.002Z

Dette utruleg flotte hjertet av røsslyng fekk eg til bursdagen min i desember. Det er kjøpt på krims og krans.
Lyngen er tørka, men like fin i fargane og varer dermed leenge som pynt ;)

Ingen tvil om at det er dekorativt med lyng, lilla tråd og lilla sløyfe saman :)

ballerinasko

2009-02-09T13:09:00.002Z

Søte små ballerinasko i str 22 til veslesnuppa.. rett nok er dei ikkje like gode og praktiske som dei er fine å sjå på, for foten glir stadig utav. Men fine er dei ;)

To små hjerter i ei snor

2009-02-04T15:58:00.003Z

Kom over desse søte hjertene på Baronessa her ein dag og måtte bare ha dei med meg heim..
dei er utruleg fine å pynte med ulike stader i heimen, så eg trur eg må ut og ha nokre fleire slike.

Ein kan ha dei liggjande på eit sølvfat saman med ein skjønn tag med englar på..

eller henga dei rundt ei flaske med lys i..

Her har eg hengt dei over ei ramme, med bilder av meg og søster mi ein gong på 80-tallet.

frost

2009-02-02T12:46:00.002Z

Det er bitande kaldt her om dagen..eller rettare sagt kaldt om kvelden , natta og morgonen. For om dagen skin sola og set ein seg i solveggen då er akkurat som ein kjem litt i påskestemning her :)
I føremiddag var eg ute og rusla ein tur og hadde med kameraet. Øverste bildet er av plenen med mange nydelege snøkrystallar på grasstråa..

Det er tydlegvis andre som har vore ute på tur før meg..

grøne blad og knoppane står klare og berre ventar på våren, og har i mellomtida pynta seg med eit lett dryss av frost..

kjedelege grøne buskar blir mykje finare med litt frost på toppen :)

klikk gjerne på bilda for å sjå dei i større format ;)

Eg er straks tilbake med eit nytt innlegg..

Ha ei flott veka

Tørka roser

2009-01-25T09:29:00.002Z

Endeleg har eg teke meg sjølv i nakken for å legge inn ei nytt innlegg på bloggen min...Har tenkt på det lenge, men dagane er travle og når kvelden kjem så har eg sege ned i godstolen med forskjellig håndarbeid.
For eit par veker sidan fekk eg ein nydeleg rosebukett med flotte rosa roser av mannen i huset. Dei har eg hengt til tørk og mesteparten av dei har beholdt fargen fint, så langt.

Eg likar godt å ha tørka roser til pynt rundt omkring. Desse har fått plass på eit fat saman med ein del sinkpynt.

Ynsker deg ein fin søndag og eg lovar at det ikkje skal gå like lang tid til neste innlegg frå meg ;)

litt nytt

2008-11-22T15:15:00.002Z

Her fyk dagane avgårde og nå er det jaggu nesten 2 veker sidan sist innlegg.. Det går framleis fint med veslejenta som no har budd saman med oss i snart 4 veker. I dag har ho vore på sin første aketur saman med Maren noko som var stor stas :o)

Ellers har eg nå fått handla litt i dag. Denne søte fuglen frå Lisbeth Dahl har fått plass i fugleburet mitt..

Denne vakre fuglen sit på toppen av buret..

Hjerter får eg aldri nok av og dei har eg til pynt heile året. Dette eksemplaret er kjøpt hos KID. Eg har hengt det opp etter silkeband og laga ei sløyfe av bandet på toppen av hjertet.

Ønsker deg ei fin, fin helg!!

Strikka vest

2008-11-10T15:53:00.003Z

Då var det på tide med ei kjapp oppdatering her frå meg :o) Denne vesten har vore ferdig ei stund, men det har lisom ikkje vore bra nok lys til å ta bilde av den og dessuten har laptopen vore på reparasjon..er liksom meir styr å rigge seg til ved den stasjonære pcen ;o)
Mønsteret til vesten fann eg i Allers og den er strikka i Alfa på pinnar nr 7. Tjukt garn og tjukke pinnar er alltid greitt for då vert ein ferdig i ein fei og kan starte på eit nytt prosjekt :o)
Ellers går det fint i heimen og vesle tullemor har funne seg godt til rette..vi kosar oss dagen lang!

Ynskjer deg ei knakande fin veke!!!

Travle tider..

2008-11-05T17:58:00.002Z

..men og utruleg spennande tider for meg nett no. Eg og familien har teke imot eit herleg lite fosterbarn og mesteparten av tida går med til kos, mating, leik m.m
Det vil derfor bli stille frå meg her ei stund nå, men håpar på å komme sterkare tilbake ganske snart :o)

helgesysler

2008-10-26T17:23:00.004Z

Litt av kvart har vi fått gjort denne helga. I går tok vi på regnklede og gjekk oss ein tur trass kuling og hagl. Eg veit nemleg om ei plass der eg kan finne snøbær...og der gjekk altså turen i går! Eg har fått inspirasjon til å pynte med snøbær blant anna frå Ingrid eller var det Silje ??og hennes blogg.
Eg har eit sinkhjerte som eg surra greiner med snøbær og blad rundt og pynta med ei rose frå hagen.

Nå heng hjertet til pynt på ramma mi i stova

Snøbær er utruleg lekre oppi ein liten vase i fattigmannsølv og..Denne er kjøpt på kremmerhuset

Ellers har vi fått eit nytt familiemedlem i løpet av helga..lille Perle, eit fantastisk skjønt marsvin :o)

Perle og Tigergutt er blitt knallgode venner allerede, som du ser!!

hjerte <3

2008-10-23T20:01:00.003+01:00

I dag har det vore opning av det flotte storsenteret på Husnes. Hos butikken FRYD fann eg dette søte hjertet

Det er ein ring til oppheng på toppen av hjertet, men eg har ikkje heilt bestemt meg for kor eg vil ha det hengande så inntil vidare får det liggje og pynte opp dette vesle bordet

helgeblomsten denne gongen er rosa roser..

Då gjenstår det å ynskje deg ei herleg helg!!

sommarfuglar heile året

2008-10-21T17:56:00.002+01:00

Desse flotte sommarfuglane i papir er det svigerfar min som har laga. Han brettar dei av ulike typar gåvepapir. Til pynt rundt kanten brukar han gull-eller sølvtusj og tynn streng som følehorn.
Sommarfuglane er i fleire ulike størrelsar og er t.d fine til å pynte opp ei gåve med, til pynt på ei lampe eller rett på veggen!
Mine er blitt litt skeive pga små barnehender som til stadighet flyttar dei rundt i huset ;o) men kjempefine er dei!

Nå er det straks tv-kveld og strikketøy som gjeld for meg :o)
Ha ein fin tirsdagskveld!

Søndagssysler

2008-10-19T14:32:00.003+01:00

kan vi kalle det vi har putla på med i dag :o) I formiddag baka vi kraterboller som vi skal kose oss med seinare i dag. Det som er ekstra godt med desse er fyllet av smør, sukker og kanel som smeltar og renn nedover bollene når dei står i ovnen...

Maren kjøpte seg eit nytt bakeforkle når me var i Stavanger sist. Lyseblått med små blomar som er såå søtt og så er det plastbelagt slik at vi kan berre tørke av det når vi er ferdige.
Vi kjøpte det hos søstrene grene til rundt 60 kr

bollene er ferdig steikte og klare til å nytast.NAMMMMMMMMM!

Ein fin søndag til deg :o)

fredag!

2008-10-17T18:16:00.002+01:00

Herlig med fredag igjen!! På ein liten surferunde i dag kom eg over desse knallskjønne møblane til barnerom. Møblane er frå SIA og biletet er lånt frå sidene deira..

Ellers har det vore litt meir strikking i det siste. Lommetøfler er raske å strikke og er kjekke å ha på lur som små gåver..

Eg har pynta dei med ein heklablomst og slik ser dei ut på :o)

Då skal helga nytast!!
God helg til deg, min venn!

Søte sokkar :o)

2008-10-15T16:05:00.003+01:00

Endeleg har eg fått gjort ferdig noko håndarbeid som eg kan visa fram! Eg har strikka eit par stripete sokkar i garnet SISU. Eg har valgt lyse og fine fargar..

..i tillegg har eg hekla ein picotkant øverst på sokken og hekla ein blom, pynta med ein knapp, på kvar sokk. Ein raggsokk treng slett ikkje vera grå og kjedeleg :o)

småpynt

2008-10-13T19:31:00.002+01:00

I går når eg sette på plass ei del småpynt i hylla mi fann eg ut at dei søte sandkakeformene som eg brukar til telys og er knallfine til å ha små blomsterknoppar oppi. Sikkert ikkje ein revolusjonerande nyhet, men eg viser nå bilde av det her likevel ;o)

Små stemorsblomar har fått plass i forma denne gongen...

nyoppussa hylle..igjen

2008-10-12T18:10:00.002+01:00

Nå har eg omsider fått hengt opp den andre hylla som eg har mala kvit og pynt med blonder. Denne er litt skeiv og skakk og ber preg av å ha vore brukt tidlegare, men det er nå berre sjarmerande syns eg ;o)

Ein del småting har fått plass i hylla, men pynten vil nok bli bytta ut med ujamne mellomrom. Det er det som er så kjekt med slike små hyller.

Hugsar du dei gamle koffertane som eg arva tidlegare? Den eine står nede i gongen med diverse dilldall oppi, blant anna nokre gamle nydelege hekla gardiner som farmor mi har laga. Kofferten ser litt stygg ut inne lokket sidan noko av papiret er rive vekk, så eg har planar om å henge på noko papir der som passar til..

Nå er snart denne helga og over, så då gjenstår det å
ynskje deg ei strålande flott haustveka!!

julegavetips??

2008-10-10T18:11:00.005+01:00

Jadå, eg veit at det er ei god stund igjen til jul :o) men vi som lagar ein del av julepresangane må vera tidleg ute for å bli ferdig til jul.
På ein av mine surferundar kom over desse søte minijulesokkane til å hengje på juletreet. Eg fann dei på bloggen little cotton rabbits, der det og ligg gratismønster. Der finn du forøvrig mykje anna håndstrikka og!
Dersom du er av dei som heller meir mot pastellfargar og kvitt til jul så kan du jo berre bytta ut fargane som er brukt her til feks kvitt, sølv osv...eg ser for meg at dei helt sikkert hadde vore lekre i kvitt med sølvstriper :o)

Her ser du mønstera som ho har lagt ut gratismønster til på bloggen sin!

Nå skal eg benka meg til tv-kveld, men vil rekk akkurat å ynskjer deg ei knallfin helg først!

lavendelhjerte

2008-10-07T18:30:00.003+01:00

Eg har sydd eit forholdsvis stort hjerte fylt med vatt og tørka lavendel. Til hank har eg sydd på ein nydeleg blonde. Dette er tenkt til pynt i nok ei hylle som eg har pussa opp i det siste. Den kjem i eit seinare innlegg ;o)

Og så eit usedvanleg dårleg bilde av ein vest strikka i alpakka med mønster frå DROPS. Det er svigermor mi som har strikka sjølve vesten medan eg har hekla picotkant rundt halsen og "blonden" på brystet. Utruleg lett og behageleg å ha på, så kanskje det blir ein slik til meg sjølv og..

nyoppussa hylle..

2008-10-05T17:52:00.003+01:00

..har for ei lita stund sidan blitt hengt opp på soverommet. Eg tok dessverre ingen før og undervegsbilder, men hylla var trekvit. Den er gammal og har hengt i garasjen i årevis. Eg drog den fram, vaska den, gav den eit par strøk med kvitmaling.
Til slutt pynta eg kantane med litt blonde.

Litt diverse pynt har fått plass på hylla, blant anna ein liten telysholdar, ein vase i fattigmannssølv med tørka lavendelblomar oppi, og eit nydeleg hjerte som Katarina har sydd!

Nå er straks helga over og eg ynskjer deg ei flott kommande veke :o)

bordpynt

2008-10-02T17:43:00.002+01:00

Det er alltid kjekt å pynte med blomar på bordet, og sidan det byrjar å skrante litt på dei langstilka sommarblomane no, har eg laga til litt bordpynt til stovebordet med det som er igjen av dei søte små rosa rosene mine, ei peacerose og telys i flytebeholdarar.

Dekorativt og litt stemningsfyllt med lyset saman med flytande roseknoppar.

her er eit lite glimt av kor eg tilbringer kveldstimane for tida. i godstolen med eit lunt pledd og strikkekorga ved sida av. Her vert det produsert julepresangar i stor stil nett nå :o)

I morgon er det fredag igjen og eg nyttar samtidig sjangsen til å ynskje deg ei strålande flott helg!

..og vinnaren er....

2008-10-01T17:17:00.002+01:00

Lappane med alle navna på vart bretta og putta oppi ei skål.. Maren stod for trekkinga og den heldige vinnaren er:

H@rmoni!! og då treng ikkje pakken ta turen lenger enn til Husnes til Hilde ;o) gratulerer så mykje!!

Tusen takk til alle som la inn kjekke kommentarar!

konkurranse og blomsterpinne

2008-09-29T14:18:00.002+01:00

Nydeleg blomsterpinne frå Lisbeth Dahl i metall og ulike perler. Nydeleg som pynt her hos meg.

Stanga er så lang at eg har den liggjande på eit lite bord. Kan klippe av stanga dersom eg vil ha den i ein dekorasjon eller oppi ei blomepotte saman med ein fin blom.

Så over til konkurransen! Dette er mitt innlegg nr 200 på denne bloggen og i samband med det vil eg ha ein liten konkurranse her. Alle som skriv ein kommentar på dette innlegget innan førstkommande onsdag kl 18.00 er med i trekkninga av ei lita gåve frå meg..eg kan røpa at den inneheld noko heimelaga og noko frå yndlingsinteriørbutikken min på Husnes, nemleg baronessa!

haustpynt

2008-09-28T13:41:00.003+01:00

No var det på tide å ta bort sommarblomar og setje fram litt haustpynt. Naturen er utruleg vakkert nett no med alle dei nydelege fargane..

Ein stor bukett med haustblad i ulike fargar, rognebær og oktoberroser står til pynt i ei gammal kermikkpotte.

Det store brune keramikkfatet, som i sommar var fyllt med skjell, har nå fått kastanjenøtter, nyper og nokre greiner og blad til pynt..

Dette kubbelyset har eg pynta med haustblad, ei nype og litt hamphyssing. Inspirasjonene til dette er henta frå det siste vakre hjem og interiør, viss du syns at du hadde sett noko liknande før ;o)

Nyt resten av søndagen og ha ei flott kommande veka!!

stemningsbilder på ein fredag ;o)

2008-09-26T18:08:00.002+01:00

Roen har senka seg i heimen. Me har tent mange stearinlys og har akkurat sunke ned i sofan for å kose oss med skal vi danse, senkveld og dei andre typiske fredagsprogramma..

Strikketøyet ligg ikkje langt vekke og nå er det faktisk ein julepresang som er på pinnane.. kan ikkje røpa meir, for mottakaren er innom her rett som det er, veit eg..

Håpar du har komme i god helgestemning etter desse bildene frå heimen min..

Og snille mannen i heimen kom med desse nydelege liljene i dag! kjempekjekt å få ein slik overraskelse på ein fredag :o)

Då vil eg til slutt ynskje deg som er innom ei knallfin hausthelg!!!

fattigmannssølv..

2008-09-24T17:06:00.003+01:00

..er utruleg fint og dekorerande, syns eg!! I går var eg innom interiørbutikken Baronessa og der fann eg denne knallskjønne lysestaken.

Den er dekorert med eit lite hjerte i ei perlesnor og med ei blondesløyfe

Lysestaken er frå Lisbeth Dahl, som alltid har mykje fint!!

peacerosene...

2008-09-22T18:08:00.003+01:00

...i hagen min blømer for fullt nett no.. dei har aldri vore finare faktisk!
her må du klikke på bilda for å sjå dei i større format og dermed meir detaljrike..

nydelege fargespel
Mange knoppar har fått komme inn i ein vase slik at vi kan nyte dei i fulle drag..

Eg har grubla over dette med blogging og ikkje blogging...har jo laga meg ein fotoblogg og, men trur eg held meg til denne gamle og kjem heller til å ha innlegg her om alt frå interiør, handarbeid, turar, natur osv..slik som eg eigentleg hadde før.
Nå virkar plutseleg blogspot heilt perfekt igjen og alt er mykje lettare, dermed har blogglysta komme snikande og dei siste dagane.
Nå skal eg ha meg ein surferunde rundt hos dåke alle :o)

Sommarfugl i september

2008-09-14T13:20:00.003+01:00

Denne nydelege sommarfuglen knipsa eg bilde av ein haustettermiddag... Den kosar seg på ein av oktoberrosene mine.

Den gamle appelsinkassen min...

2008-08-31T12:07:00.002+01:00

...er stadig på vandring. Eg tviheld på sommaren og sommarpynten ei stund til, så nå står den ved inngongspartiet under tak og har fått ei stor krukke med restar av sommarblomar til pynt. Ei gammal kaffikanne, krukke, fat med skjell frå strandturar tidlegare i sommar og ein spade. Alt saman er gamalt og funne i kjellaren til farmora og farfaren min.

Ynskjer deg ei flott kommande veke!!

ps! Er det andre som har problem med blogspot for tida??? eg har store problem med å komme inn på min eigen og dåke andre sie bloggar.. derfor har det gått tregt med både innlegg og kommentering frå meg i det siste..håpar det betrar seg kjapt!!