måndag 29. oktober 2007

KRÆSJ..

Eg er nett innom ein kjapp tur på lånt datamaskin for å sei at maskinen min har kræsja...argh..!!! Så irriterande og frustrerande :o(
Det kan derfor ta litt tid før eg er tilbake her med nye innlegg..

torsdag 25. oktober 2007

vottar

Nå har det vore kaldt nokre dagar her og Maren bad mammo så fint om å lage eit par vottar.. Desse vart til i løpet av 3-4 kveldar og snuppo vart kjempenøgd når ho fekk dei i kveld ;o) Fargane plukka ho ut sjølv og då vart det sjølvsagt rosa! (er restar etter kjolen i forrige innlegg..alltid kjekt å bli kvitt restane!)
Mønsteret heiter Monicas votter og er henta frå ei bok som eg ikkje hugsar navnet på nett no..
Ellers held eg på med ein del "hemmelighetar" som ikkje kan visast på bloggen før etter jul ;o)
God helg til deg!!

måndag 22. oktober 2007

Kjolen er ferdig :o)

Kjolen i str 2 år er ferdig! Den er strikka i SISU og vart meir eller mindre til etter kvart som eg strikka.. Borda nederst fann eg mønster på i eit gamalt norsk ukeblad, og fellingane til arm og hals fann eg i heftet eg kjøpte som eg viste i eit par innlegg lenger nede. Pynta den så med eit rosa tvinna bånd, ein blom og rosa hekla kant rundt arm og hals. Søt kjole til ei lita prinsesse dette her..
Nærbilde av pynteblomen..

fredag 19. oktober 2007

Eg har fått pakke!!

Pakken frå min hemmelege interiør-venn kom for eit par dagar sidan, men eg har ikkje hatt tid til å leggje inn bilde av den før nå.. Oppi eska låg denne fine pakken med sølvfarga papir og hyssing rundt :o)
Og inni pakken låg det ei søt kvit brikke med kvit blomstersaum på, eit hjerte til å hengja opp og ein søt telyshaldar. Alt passa perfekt inn her hos meg, så tusen takk for fin pakke, min hemmelege venn! ..eg har ikkje peiling på kven du er ;o)
Ynskjer samtidig deg som er innom ei superduper helg!!

tysdag 16. oktober 2007

Nostalgi

Her er eit par motiv, eg har knipsa bilder av, med litt nostalgisk preg over seg..
Gamle, velbrukte melkespann på rekkje og rad inntil låveveggen..

Ein gamal kraftstasjon..

søndag 14. oktober 2007

Haustfargar..

..er fantastisk flotte og eg klarte å fange ein del av dei med kameraet mitt i dag når eg var ute og gjekk tur. Øverst ser du eit kastanjeblad :o)


Under svære bøketrer ligg det eit teppe av brunoransje haustblad som er flotte kontrastar til grå trestammer.. blodlønnen i hagen har mista nesten alle dei flotte raude blada sine, og nå ligg dei som eit raudt teppe under treet..
Hausten er rett og slett flott syns eg ;o)


laurdag 13. oktober 2007

Nytt prosjekt på pinnane

I dag er det surt, vått og kaldt ute og et nyt dagen inne med nytt strikketøy :o) Eg har starta på ein liten kjole i cerise sisu. Eg har teke utgongspunkt i kjolen på bildet som er henta frå heftet SISU barn nr 0601 frå sandnes garn, men gjort ein del forandringar og plukka litt frå andre oppskrifter eg har hatt liggande. Kjolen i heftet er fin nok den, men eg likte ikkje heilt at pynteborda nederst skulle strikkast først i ei lang remse som skulle syast saman og så skulle ein plukke opp masker etterpå og strikka resten av kjolen derifrå...
Eg strikkar nok jakka som høyrer til kjolen etterpå, for den er så søt passar så godt til kjolen.
Nå skal helga nytast! Ynskjer deg som er innom ei superfin helg ;o)

søndag 7. oktober 2007

Lommetøfler

Då er eg tilbake etter ei opplevelsesrik helg med slektsstevne. Artig å treffe alle desse folka som eg ikkje har sett sidan eg var ei lita jente..mange av dei kjente eg faktisk igjen sjølv om det er over 20 år sidan sist eg såg dei..artig var det!! Og tusen takk for alle dei koselege kommentarane de har skrive medan eg har vore borte :o) kjekt å lese no når eg kom heim!
Av handarbeid eg har halde på med dei siste kveldane er det desse lommetøflene eg har strikka og dekorert. Syns dei blei søte med ein hekla blomst og ein knapp oppå den igjen.


Her ser dåke tøflene i ulike fargar..
Då må dåke alle ha ei flott kommande veke :o)

torsdag 4. oktober 2007

Så var det snart helg igjen :o)

Litt tidleg ute med å ynskje god helg denne gongen..eg står framfor ei travel helg med tur til heimplassen min på slektsstevne. Det blir utruleg spennande å treffa mange gode venner igjen, nokre som eg ikkje har sett sidan barndommen og ein god del som eg aldri har truffe før..
Den nydelege buketten på bildet ovanfor kom sambuaren min heim med forrige laurdag etter å ha spela 250 fotballkampar for det lokale A-laget her og den gav han vidare til meg :o) Syns det var så fint med lyng, pyntekål, store nellikar, roser og grønt ilag! Etter 1 veke står den framleis like vakker i stova vår :o)
Då vil eg ynskje deg ei fin helg!!

måndag 1. oktober 2007

sofakroken vår..

Vi har endeleg bytta ut den gamle sofan vår som er over 20 år gammal, så det var på tide kan du sei..
Eg har lenge ønska meg ein kvit sofa, men venta med det pga barn og kattar i huset. Nå har eg overteke søster mi sin sofa for å sjå korleis det fungerer meg kvit sofa her hos oss ;o) Den er 4 år gamal og kjøpt hos http://bolia.com.
Bildet på veggen har søster mi malt og det er eg så utruleg fornøyd med :o) Gå gjerne inn på sidene hennar http://hij.no for å sjå fleire av dei flotte bildene ho malar!